Tom終認分手 暗撻陽光妹

Mr.成員Tom與o靚模女友蔡穎恩（Evelyn）分手後，最近傳出各有新歡，有指Tom搭上舊愛好姊妹「陽光妹」何思諺（Leanne），日前Tom更首次開腔承認與Evelyn已分手幾個月。至於被指跟台灣型男撻着的Evelyn，日前則孖住好姊妹陳嘉寶及糖妹到銅鑼灣食消夜。
Leanne最近被人目睹經常出入Mr. Band房，故被懷疑與Tom正在蜜運中。（資料圖片）
Leanne最近被人目睹經常出入Mr. Band房，故被懷疑與Tom正在蜜運中。（資料圖片）

樂隊Mr.鼓手Tom（杜志烜）與o靚模Evelyn的緋聞傳出多時，經常被拍到拍拖撐枱腳，但兩人依然堅稱對方只是朋友。不過，最近有傳Tom搭上Evelyn的好姊妹「陽光妹」Leanne，而Evelyn就傳出秘密與台灣男模撻着，同時又被指與一名本地插畫家小克出雙入對。

現已轉職白領的黃瑩獲男友Dash接送，並於砵蘭街上車。
  • 現已轉職白領的黃瑩獲男友Dash接送，並於砵蘭街上車。
Tom（左）與Dash下車後，Tom首次開腔直認與Evelyn分手近四個月。
  • Tom（左）與Dash下車後，Tom首次開腔直認與Evelyn分手近四個月。
Evelyn（中）與Anjaylia（左）及糖妹在銅鑼灣食消夜。
  • Evelyn（中）與Anjaylia（左）及糖妹在銅鑼灣食消夜。

為工作表現親密

上周五Mr.在灣仔出席活動後乘七人車離開，先在銅鑼灣放低隊友Ronny後，再直駛旺角砵蘭街，未幾見成員Dash的06年落選港姐女友黃瑩現身等上車，當Tom落車準備讓座時，記者上前問他可知Evelyn最近跟一位台灣男模拍拖？他說：「唔知。（你哋係咪分咗手？）係呀！（分咗幾耐？）三、四個月。」當被問到是否跟Leanne拍拖？他表示：「我哋係朋友。」另外，最近被人目睹經常出入Mr. Band房的Leanne，在電話訪問中表示：「邊有呀？係都係之前幫佢哋拍MV上去睇片，都係為工作啫！（有人見到你同Tom好親密？）冇呀！係都係做嘢啫！」

另邊廂，Evelyn日前與好姊妹陳嘉寶（Anjaylia）及糖妹在港島區出席活動後，結伴乘的士往銅鑼灣一間日本料理食消夜。醫肚後，眾女各自搭的士走人。

文、攝：追蹤組