Lucas生日 請假返港 鋒芝8．2再碰頭
八月二日是鋒芝大仔Lucas的四歲生日，繼早前陽明山莊世紀碰面後，屆時將會是鋒芝第二度的碰面，不知兩人會否爭取機會講多幾句說話？
原本霆鋒八月二日需到上海拍廣告，但兒子大過天的他為與Lucas食飯慶祝生日，不惜將工作延期一天，八月三日才到上海。而栢芝亦一早計劃為愛兒籌備生日，向《河東獅吼2》劇組請假三天，不會輸蝕給霆鋒。據知，已入組拍《河》片的栢芝原來有十五日假期在手，可隨時調假湊仔。
《河》片投資者余毓興昨日透露，栢芝日前已通知她要請假三日返港：「栢芝係通知咗監製，我都知，因為我哋傾約時，定咗拍攝期兩個幾月內，栢芝有十五日假期。之前佢請咗總共三日，今次三日，都係六日，仲有大把假畀佢湊仔啦！」