朱凱婷解禁宣布懷孕
朱凱婷（Hendi）近日宣布榮升做媽咪！佗Ｂ四個月的她自言最初因「禁忌」而守秘密好辛苦，Hendi堅持生B後繼續工作，誓做智慧型潮媽！
Hendi在去年9月下嫁任職飛機師的Dickens，最近宣布「有喜」趕生兔B，她自言最初要忍口不宣實在好辛苦，她解釋：「我唔守得秘密o架，初初知道有咗好想同人分享，但老公叫我乖啲，未夠3個月千祈唔好同人講，真係好難！」
最想生女
現在Hendi已懷有4個多月身孕，腹部明顯隆起，她說感覺好奇妙：「頭3個月冇乜嘢，但最近個幾星期，個肚突然大咗好多，開始感受到BB喺體內成長。」
Hendi是獨生女，難怪她最想第一胎是女：「老公話仔女都冇所謂，奶奶亦好開通，完全冇畀壓力，但我就鍾意女，會乖啲同嗲啲。」問到會生幾多個？她直言最多生兩個：「細個時候好enjoy屋企得我一個，父母嘅愛專注落我一個人身上，但人大咗，依家希望可以有大家庭，如果將來時間分配得好，最理想生一男一女湊成個『好』字。」
兼顧事業
Hendi的老公是飛機師，她大可以疊埋心水做少奶奶，但她揚言從未想過退出娛樂圈，她說：「老公有問過我意見，但我媽咪都係女強人，細個已經覺得佢好型，所以我都想做個智慧型潮媽，唔想只係湊小朋友，希望可以同時兼顧。」Hendi現在仍有主持高清台的《創富坊》節目，對外多接主持工作，她表示好多客戶都沒有嫌棄她，她說：「好多客都話睇住我成長，反而唔會介意我有咗BB，覺得形象健康最重要。」
文：專案組