張致恒開工作坊有教無類
英皇藝人張致恒（Steven）除了喜歡唱歌、跳舞及拍戲外，近年還迷上畫畫，早前他與朋友合資開設工作坊，他說：「呢個工作坊，有二千呎，除咗有畫室教人畫畫外，仲教人跳舞、夾Band，就連手語同法文都有得學，好多元化。」
入行近十年的Steven直言，今次開設工作坊，是極大投資及挑戰，他說：「係一個轉捩點，我攞咁多錢出嚟做生意，擺咗好多時間同心機落去，有種大個仔感覺，出道咁耐，之前試過同朋友搞時裝及飲食生意，今次就試吓開Workshop。」
由於Steven現時經常往返內地拍劇，問到如何打理Workshop？他說：「我拍檔好犀利，佢以前都開過畫室，裝修、設計佢一手包辦，有時我返內地做嘢，佢就會辛苦啲。（有冇錢賺？）有呀。」Steven表示有時返廣州入貨，他說：「要搵顏料、畫框、畫筆，差唔多每個月都返一次，試過朝早六點同拍檔攞架車仔返廣州入貨。（攞苦嚟辛？）有時都覺得為乜咁辛苦，但我想證明可以憑雙手搵食。」Steven又說：「呢度係一個relax地方，而我畫嘅畫通常係『聖經系列』。（寄語時下年輕人？）千祈唔好輕易放棄。」
場地：一家藝術空間