林欣彤酬勞升級開心鋸扒
林欣彤（Mag）日前再為連鎖快餐店拍攝電視廣告，之前她以女消防員造型拍攝，今次以「牛女」look，手上更持叉叉着牛扒，形象新鮮。據知今次Mag還會在廣告片中唱歌，難怪酬勞再次升級。
去到邊食到邊
拍攝期間，Mag被不少食客圍住，她坦言入行後經常食快餐店：「近排仲多咗，因為太忙，我依家都仲係成日唔化妝出街，唔覺自己有乜唔同，我又鍾意食嘢，去到邊食到邊。」
現時，Mag正身處新加坡為頒獎禮擔任表演嘉賓，首次到新加坡的她本來想四處遊覽、吃地道美食，但由於忙於綵排未能走開，故她希望有機會能跟家人再到星洲遊覽，而月尾Mag還會到馬來西亞為福祿壽演唱會擔任嘉賓。
大碟８月推出
此外，Mag的首張個人大碟將於8月中推出，她透露全隻碟有十首歌，現時她還有三首未錄好，故返港後要即時趕工。說到第一首派台歌《洗澡》反應不俗，Mag說：「自己都好滿意，之後第二首派台歌其實會係一首廣告歌，希望更多人會聽到、反應會更好。」
文：影視組