Donut胸群而出送套冧宅男
書展舉行在即，昨日組合Donut及Fantasy就率先舉行發布會，並揚言其寫真勝在人多勢眾選擇多，大師姐Rainbow更揚言集齊封面有「套」送！
昨日o靚模組合Donut及Fantasy一同於麗星郵輪舉行「雙魚星號─情迷夏日海」火辣派對，除了Caroline外，一行九女大多以性感登場。其中大師姐胡心諾（Rainbow）表示對她們的寫真相當有信心，也不怕競爭，認為有競爭才有進步，她又大賣關子說：「我哋會喺書展特別推出100本限量版寫真，每個人有十本獨立嘅封面，儲齊十本不同封面就會有iPhone套送。」
Alina最性感
身材最豐滿的Alina被指書內最性感？她笑說：「咁我同Caroline係身材最好，影得寫真就應該係騷最好嘅優點畀人睇。其實我哋本寫真仲有好多賣點，例如我哋夠多人，各有各唔同路線，可以滿足唔同人嘅口味，好似Fantasy就係sell長腿。」眾女又謂會參考其他o靚模的寫真。
當被問到風頭o靚模何佩瑜（Jeana）身材十分逼爆，成員Elke就不屑地說：「佢太『重口味』囉，唔係個個鍾意，（覺得佢唔夠人氣？）咁又唔係。（周秀娜今年冇出少了勁敵？）其實每年都有好多人出寫真，冇話冇咗邊個唔得。」
年紀最小的Comi就表示今年是第一次推出寫真，但就不會有全裸演出，因為畢竟年紀尚輕，又謂不怕輸蝕，她說：「依家喺學校都有啲低年級嘅同學仔封我做偶像。」
文：名人組