傾掂數 栢芝鬆晒
張栢芝重返寧波為電影《河東獅吼II》開工，昨日演出兩場戲份，表現穩定，影片投資者又是栢芝好友的余毓興表示栢芝精神很好，表現輕鬆，相信她對「撫養權」志在必得。
栢芝可有跟他傾訴？余說：「鋒芝應該有共識，栢芝會湊番兩個仔，相信係咁，見佢成個人鬆晒。（佢哋傾妥撫養權？）我只可以話栢芝好有信心攞到撫養權，其實霆鋒四圍飛做嘢，冇栢芝咁適合照顧兩個小朋友，拍完部戲栢芝就返香港，之後佢做嘢會以香港為基地。（有報道指佢因離婚情緒失控？）我覺得好無聊，栢芝初入劇組係有啲緊張，今次再見佢已經輕鬆晒，唔覺佢有異常。」
另外，栢芝媽昨日被問到是否很擔心女兒的不穩情緒？以及是否湊着兩個孫？栢芝媽在電話中回覆說不想多講，但承認擔心栢芝愈來愈瘦。