Jeana嘲碩之墮胸：我媽咪都係咁
趙碩之（Wylie）與死敵何佩瑜（Jeana）隔空開火後，昨日二人首次同台，Jeana谷行胸出擊，Wylie則漏奶迎戰，寸嘴Jeana竟形容Wylie漏奶即係墮胸，甚至話同自己媽咪個胸一樣：「唔Firm囉！」
o靚模Jeana以一把寸嘴辣盡圈中女星博上位，性感女星Wylie亦不幸遭殃，昨日二人齊齊出席在荷里活廣場舉行的「速食拉麵達人」活動，首次正面交鋒！Jeana以吊帶低胸背心谷起其「不倒胸」到場，Wylie亦露出長長事業線兼漏奶現身，各不相讓。
勸戴Bra承托
現場Jeana又繼續發揮其寸功，嘲Wylie「漏奶」即係墮胸：「我見過我媽咪都係咁，唔Firm！自己唔鍾意墮囉，可以介紹啲療程畀佢，其實戴Bra可以托得好睇啲。（你叫人老前輩？）都係一句啫，尊重佢嘛。（話佢無油老爺車？）比喻啫，佢講嘢太深，我聽唔明。（指佢岩石胸？）我比喻佢係莎朗史東咁勁，佢Get錯咗！」她揚言寫真有剩先送給對方，亦不擔心外界群起向她圍攻：「我承受到，豁咗出去。」
另一邊廂的Wylie表明對方不用送上寫真，指「佢咁好賣就賣埋佢啦。」對於被對方形容為「阿媽」級，Wylie說：「佢組合入面都有個媽咪級成員Mia，佢唔應該公開咁侮辱自己朋友。」對於被寸為「老前輩」，Wylie強調：「我入行早佢半年咋，大家年紀爭少少，好明顯佢唔係話我，亦唔覺得佢會咁講自己囉！」
用經驗積口德
Wylie又言滿意自己身材，不用向對方請教美胸，但暗寸對方「不倒胸」：「見到佢身形誇張，身材比例唔同，可能佢咁樣會自信啲。」問到對方是否應積口德，Wylie語重心長的說：「口德係要用經驗積返嚟嘅，我自己有量度，希望大家對佢都大量啲。」
至於同是寸嘴一族的許穎昨到旺角為其聲音寫真集造勢，問她怕不怕被Jeana以口舌「攻擊」？她說：「佢個個都講，係唔講我，唔知係咪驚咗我！我覺得佢刻意唔講我囉，可能因為我本寫真太強，我有信心會好賣過佢。」
文：影視組