變形金剛助陣 王梓軒踩過界撼o靚模
唱作人王梓軒踩過界出書，在自傳形式的電子書中晒私照，不讓𡃁模寫真專美！除了以歌、字、相、片自爆其心路歷程外，更特別收錄花了逾百小時拍攝的特別版MV，變形金剛、Lego等公仔大跳其舞步。
歌手王梓軒（Jonathan）將於書展推出電子書冧粉絲，書中以歌、文字、相片及影片元素帶出他入行前後的生活點滴及心路歷程，他說：「係創新形式嘅自傳，由原創歌曲出發帶出背後我嘅故事，諗過出傳統嘅自傳，但我仲細，唔應該咁快寫。」書中收錄Jonathan不少珍貴的相片，包括他細個戴眼鏡的「傻仔」樣及着Superman衫的可愛Look。
感激莫文蔚寫序
至於有冇童年「裸照」，他笑說：「我條件未夠可以硬撼。本書《超越三部曲》仲有好多未曝光過嘅片段，例如入行前錄第一個Demo、大學玩清唱去Tour，喺宿舍瞓地板、我同師傅阿熹（趙增熹）嘅關係等等，都幾好笑，希望大家睇得開心！」他更邀來最近忙於籌備婚禮及工作的好友莫文蔚寫序。
盼重拾童年夢想
電子書更收錄其新歌的特別版MV，Jonathan透露：「呢個《玩具也流淚》玩具版MV，用Stop-Motion去拍，令到啲玩具好似自己識郁咁，跳我嘅舞步之餘仲要配合歌詞意思，難度都幾高！個MV三分鐘，但係就用咗超過一百個鐘頭拍，希望大家睇完之後會搵番童年時玩玩具嘅童真同夢想。」拍攝MV當日，他更就變形金剛、Lego等玩具的動作落手落腳畀意見。
文：專案組 攝：沈健程 服裝：initial 髮型：maggie law@kimrobinson 化妝：TK Leung@Beauty Tech
場地：dreamUp Communications