港人工作繁忙，問到本地公共設施收費，隨時被考起。今次便找來多位無綫藝員鍾嘉欣、陳自瑤、馬國明及敖嘉年接受《食米唔知價》的挑戰，且看幾位知不知道科學館成人及小童的入場收費。
問：香港科學館成人及小童入場費是多少？
鍾嘉欣：嘩！香港嗰個我好似未去過，真係考起我。加拿大嗰個我就知，25蚊加紙嘛！我估香港20蚊，小童10蚊啦！
馬國明：真係唔知喎，初中去過之後都好似冇再去過喇！我估成人15蚊，小童10蚊，我諗唔會貴到夠食餐飯啩？
敖嘉年：真係好少去，對上一次去好似十幾年前喇！大人我估10蚊，細路多數減半5蚊啦，政府嘢應該唔會好貴啫！
陳自瑤：我真係唔知喎！咁多年冇去過，科學館同太空館係唔係一樣架？我諗大人要20蚊，小朋友15蚊啦！
答案：成人25元、小童12.5元
