Sharp醒「私物」
炎炎夏日當然是大晒長腿的好機會，不過若嫌Day Day熱褲短裙太過單調，加一雙別致的「私物」絕對可以提升潮味。若自問擁有一雙美腿更可大玩今季至Hit Sharp爆顏色絲襪！名模陳嘉容就大讚舒淇穿上雙色絲襪雙腿依然修長漂亮；容祖兒則演繹出型格絲襪Look；王菲的白色絲襪成了一身亮點；薛凱琪的搶眼黃色絲襪同樣叫人看得賞心悅目。
舒淇
無得頂！佢條腿本身已經係優勝之處，兩截色嘅絲襪其實比淨色仲易顯得肥。啲人話可以顯瘦只係錯覺，但佢着上腿依然好靚好修長。同埋佢全身得米白、紅同黑三隻顏色，合乎身上唔好多過三隻顏色嘅穿衣原則。
容祖兒
紅黑永遠係絕配，佢襯得好出色，對絲襪令成個Look變得好潮、好型同埋好特別。
王菀之
呢身打扮都幾得人驚！對絲襪本身好靚，可以換件灰色Top襯黑色短褲，又或者改迷你裙，唔好要Belt，換對Basic款嘅五吋高踭鞋，拉番長對腳會好睇好多。
薛凱琪
佢對腳好靚好夠瘦，腳瘦着Colourful嘅絲襪係有着數，黃色絲襪都唔會嚇親人，感覺好舒服，對鞋上嘅紅色好Sharp，好有少女味，好襯佢嘅少女Look。」
李亞男
呢個Look有啲奇怪，條裙太短，我建議佢直情將條裙當衫着，再襯條熱褲會型好多。一係就加多對魚網絲襪打孖着，佢本身對絲襪太薄、啲魚網太幼，加多對會令個比例正常番好多。
王菲
愈Sharp愈Light Colour嘅絲襪愈難着，白色都係最難着嘅顏色之一，不過On stage就好突出，好搶眼。條雪紡裙本身好Feminine，加對絲襪即刻型好多，係成個Look嘅亮點，好襯佢。
鍾欣桐
幾靚，散發女人味，但又不失佢本身嘅甜美賣點，對絲襪好靚，佢都着得好睇，紅黑組合通常無乜錯失。
陳嘉容Profile
陳嘉容，香港著名模特兒。
曾為各大國際品牌行時裝騷，在時裝界打滾多年，在時裝方面的理論還是實戰都難不到她。近年更為電視時裝節目擔任主持，化身Stylist教人配襯衣着打扮。