葉翠翠校啱Channel男友唔使高

葉翠翠在監製戚其義新劇《4 In Love》（暫名）中與韋家雄上演如歌曲《高妹正傳》的愛情故事，故事講到兩人在醫院相遇，十分投契，心動之際當兩人在輪椅站起，才發覺大家的「距離」，輾轉間各走各路後，直至發覺最愛是誰，才拋下世俗眼光勇敢去愛。

葉翠翠接受訪問時透露也試過與比她矮的男士拍拖，她說：「我覺得身高唔重要，最緊要大家啱傾，身高只係一項條件，最重要係對方有幾愛自己，大家溝通到，呢個『沒有六呎高』嘅前男朋友都係用誠意打動我，可惜唔能夠開花結果。」

緣來沒法擋

單身多時的翠翠不心急拍拖，認同老套說法「緣來沒法擋」，她說：「睇緣分啦，自己又好悶得，唔想去拍散拖，再等吓白馬王子出現，唔介意再等多幾年。」

劇中翠翠與韋家雄有五吋「距離」，早前穿高踭鞋時不慎碌落樓梯的翠翠揚言還有恐懼，她說：「最初聽到套劇要坐輪椅都唔知幾開心，但後來先知只係頭兩集，其餘時間都要着五吋高踭鞋開工。」

採訪：影視組

攝影：鄭家俊

髮型：Nelson@HAiR

場地：ANA Oyster & Grill