陳靜任師妹搶鏡槍頭對外
陳靜昨日夥師妹「爆E超蓮」Iris出席糖水店開張，密實打扮的她讓低胸師妹搶晒鏡，對此陳靜直言：「之前嚟要整甜品，仲要餵啲fans食，佢哋都唔係望住啲甜品，望晒第二度，今日想佢哋專心啲，唔好用眼睛食冰淇淋。」坦言和Iris分屬同門，有意讓賽，她說：「都想讓吓師妹，自己公司可以讓吓，出面嘅就唔會讓。」
另外，對於o靚模Jeana囂爆指走紅不用靠鬧人，陳靜說：「我覺得佢平時嘅言論都係劇情需要啫，唔想加以評論，費事加入罵戰之中。」
陳靜強調，不會申請入書展做宣傳，她說：「我哋知道書展不嬲都唔畀入，冇謂搞對抗啦，我哋會喺旺角搞兩日簽名會，同fans作零距離接觸。」對於Jeana擺寫真擂台，問可有膽量應邀上台？陳靜說：「唔係夠唔夠膽，而係有冇咁嘅需要，每個女仔特質都唔同，點比較呢？同埋如果贏咗有乜獎先？」