龐盧淑燕爆龐維仁積極造人
前晚保良局主席龐盧淑燕出席保良局慈善粵劇晚會「西樓錯夢」，龐太表示向來喜歡音樂，閒時也會唱粵曲。提到細仔龐維仁早前添丁，問她現時是否弄孫為樂？她大呻：「冇呀！好忙，日日都要開會。不過暑假我會抽時間同大仔一家去美國旅行。（細仔仲會唔會生？）會呀！我見佢好積極，我唔會畀壓力佢，我好Open。」
提到龐維仁身為金牌大風的老闆，何不着其旗下的歌手義演？她笑言：「唔得，唔可以叫人哋唔搵錢嚟做義工，咁做咪係大石壓死蟹，但我哋畀唔起錢，就算打咗折都畀唔起。」
至於今次有份演出的蓋鳴暉表示與保良局合作近二十年，每年也為曲目而頭痛。她又透露年尾會演出由李居明撰寫的《聊齋》，她坦言是一大挑戰，並會參考由張國榮演出的電影《倩女幽魂》。