李泳豪：因為我唔紅

無綫花旦楊思琦早前宣布與拍拖9年的李家鼎兒子李泳豪分手，有傳她搭上中學同學Andy及有喜，令無故被飛的豪仔可謂傷上加傷！

連日來情緒極低落的豪仔昨日相約兩名好友試車，為8月參加的飄移賽車比賽作準備，一於寄情嗜好麻醉自己，其後好友帶他往吃薄餅，但見豪仔全程愁眉深鎖，受訪時也滿懷心事，提到與思琦的9年情，他更一度哽咽，言語間仍處處維護對方：「無論點都祝福佢！佢要面對傳媒壓力都好辛苦！（再見到會唔會尷尬？）唔會，仲係朋友。」明明已到談婚論嫁階段，但感情突然「死亡」，豪仔一時間難以接受，坦言失眠及冇晒胃口，他說：「一個月前仲講緊結婚，揀好日子，諗住出國搞婚禮，但依家無謂講喇！」

豪仔寄情賽車，希望在賽車場獲得大家的認同。

思琦在兩個月前，還以女友身份與李家鼎出席豪仔的生日會。

家人擔心收起車匙

說到痛處，豪仔握實拳頭強忍淚水，他表示不認識該名疑似第三者，癡心的他仍幻想有機會復合：「真係未放得低！之後嘅事睇天點安排啦！」問到會否嘗試展開另一段感情？他說：「唔會咁快投入到，我唔得，可能有啲人得。（唔敢再拍拖？）唔知，好亂！」語氣令人唏噓。

9年情一夜告終的滋味絕不好受，朋友都怕豪仔做傻事，於是輪住陪他及聽他訴苦，他說：「大家驚我亂諗嘢，不斷陪我塞滿我啲時間，仲收起我條車匙唔畀我揸車驚有意外，有時夜返啲，屋企人都會打畀我。（父母好激動？）我都有叫佢哋冷靜啲。」

有傳思琦撻着舊同學Andy，豪仔表示不認識對方。

思琦曾跟隨豪仔玩賽車。

賽車場上繼續掃獎

好友均勸只得31歲的豪仔「大把前途」，望他盡快恢復過來，豪仔亦說：「我要更努力！其實以前都好努力，但啲人只係睇成果，我唔紅就衍生好多事，壓力一路都有，唔想畀人再將佢哋諗嘅形象套畀我。」

在賽車場上，豪仔找到另一個自己，不少前輩都讚他有天分，之前亦在兩次賽事中勇奪新人組冠軍，他直言高速飛馳的感覺令他減壓，希望可繼續掃獎，但表示不會放棄演戲，希望兩者兼顧。

文：影視組

攝：秦健輝