Baby突推舊寫真 周秀娜轉玩App應戰
模界女神Angelababy去年停影寫真，今年突宣布「復出」！而咁啱得咁蹺，Baby宿敵周秀娜亦宣布加入App行列，大晒近百張比堅尼性感照，兩位o靚模始祖各自發功，暑假寫真戰如箭在弦！
模界女神Baby暫別寫真戰後，不少嫩模都趁機攝位出書，寫真戰原本已戰況激烈，估不到大師姐Baby今年突然參戰，不為嫩模專美！原來Baby所推出的，乃08年推出過的處女寫真《LOVE》，由於當年推出的數量很少，故一度缺貨，其粉絲多年來要求再版，終於今年得以達成，預計今年會推出數千本。
昨日其經理人Kim承認確有其事，她說：「今次再版嘅內容不變，唯一變的只係封面照，會揀過另一款相，大家可以睇番08年時候嘅Baby。」
「出寫真出到厭」
至於Baby宿敵周秀娜（Chrissie），雖然今年不會出寫真，但她已計劃另闢地盤出App，粉絲每過一關就睇到一張Chrissie的比堅尼照，實行跟Baby正面交鋒！Chrissie說：「每年都想搞下新嘢，出寫真都出到厭，（今年會唔會行下書展睇下師妹嘅寫真？）有時間咪去。」
Mia周圍攝兼胸壓
此外，Chrissie昨日與「警鐘胸」Jessica C.、傅穎、陳靜儀（Mia）等，到旺角為電影《熱浪球愛戰》宣傳，更即場向途人派扇。Mia露出深長事業線，輕鬆搶「峰」頭，更不諱言：「今次部戲講排球，自己拎番自己對波出嚟。」派扇期間，她更發揮「攝石人」本色，攝在Chrissie身旁，為求搶鏡更不惜胸壓Chrissie手臂，叫人側目。久休復出的她，透露自己因通淋巴，而令上圍由C cup升至D cup。但唔只身材，連個樣都好似靚咗喎！
文：名人組