Alice B.大解放 彩蝶隨峰舞

「第四代Canon甜心」Alice B.今年初跟葛民輝拍相機廣告後成功彈起，這名英泰混血兒除有天使面孔，平時出席活動總愛性感現身，谷胸上陣晒事業線及胸前蝴蝶紋身，毫不吝嗇騷32B身材，冧盡粉絲！鬼妹仔性格的她坦言性感濕濕碎︰「外國好多人嘅打扮更加性感，我覺得着出嚟效果靚係最重要，唔通出活動要包到冚咩？」

推性感相集

人氣急升的Alice有意今夏拍攝性感相集作留念，惟不會在書展推出︰「自己唔想求其影，要準備充足，趕住七月出的話效果未必會好靚。」雖然Alice未接泳衣騷，但炎炎夏日絕不介意水着上陣，笑言「蝴蝶」都要抖下氣︰「我覺得着泳衣影相好靚，又唔係唔見得光，平時都會去沙灘曬太陽啦！」

那麼，Alice又有否試過無上裝享受日光浴？她說︰「未試過喎！因為唔知有冇人望，如果要試都唔喺沙灘，會選擇私人會所嘅泳池。（着比堅尼曬太陽吸引男士目光會否尷尬？）試過好多次有男士過嚟傾偈，都好正常啫，佢哋又冇抽水！」

愛曬太陽的Alice B.密謀來一次裸曬。

Alice B.不介意騷胸前的蝴蝶紋身，笑言紋身也要出來抖氣。

比堅尼專家cute爆

Alice B.跟不少女仔都有儲比堅尼的習慣，她坦言以前行街時曾瘋狂掃比堅尼，更是泳衣專家，她說︰「以前會買好多比堅尼架！我覺得唔同季節要着唔同嘅比堅尼，好似買衫咁都要轉季啦！」她表示最愛得意的泳衣款，並笑說：「自己仲細個嘛！」

Profile

英文名︰Alice Burns

年齡︰20歲

三圍︰32B、24、33

入行經過︰16歲加入模特兒界，起初在泰國行騷，去年轉戰香港簽約Model Management，今年初與葛民輝拍攝第四輯相機廣告後人氣急升，工作不斷。

場地：Seasons Fitness

泳衣：Embry Form

文︰專案組

攝︰黃叔榮