霆鋒跳海拋開煩惱
決定離婚的謝霆鋒正專心為電影《逆戰》埋尾，以工作麻醉自己，這幾天還要拍一場跳海重頭戲，由於十分危險，搵命博的霆鋒逼自己唔諗栢芝，全神貫注工作。
據知，霆鋒將於8日返港處理家事，他的好友透露霆鋒會第一時間上陽明山莊，見久違了的一對寶貝仔Lucas和Quintus填補父愛，但不會強行接走兒子，以免無辜稚兒成為磨心留下陰影！雖然有指栢芝想將兒子送去外國圖阻止謝家人相見，但消息指栢芝不可以單方面帶走兒子，否則對將來爭撫養權不利。
事業如日中天的霆鋒返港後要拍廣告，8月初返大陸拍新劇，據知，霆鋒要到上海、北京取景，剛巧栢芝身在寧波、無錫拍《河東獅吼2》，面臨離婚的鋒芝將同處大陸，兩人偏偏這麼近那麼遠，有估計栢芝會把握機會搵霆鋒見面，為兩人離婚的財產分配和撫養權講數。