Amanda S.只准老公Say Yes

鋒芝婚變成為全城熱話，無論是為錢或為情，如果大家婚前先小人後君子、來個雙方協議，約法三章的話，會否明天會更好？本報搜集不少名人及名模的「婚前協議」，其中Amanda S.說老公凡事只許Say Yes，認真女尊男卑。

如果要定婚前協議，我會要求老公對住我只可以Say Yes，唔可以Say No，我講乜嘢都話好好好。

我個婚前協議好簡單，只有一樣就係結婚之後我唔會執屋，但屋企唔可以有塵，因為我會敏感，總之屋企一定要有人執屋打掃，但嗰個人唔會係我囉﹗

我好貪心，我會要求我發脾氣時，老公要麻木容忍，我工作不如意時佢要任我打鬧，我唔喺佢身邊時佢要對我朝思暮想，守身如玉，我唔開心，佢要歌舞助興。

汪圓圓：會協議對方一定要誠實，兩個人一齊誠實好重要，就算將來佢做錯嘢，又或者係做咗啲對唔住我嘅事，我都寧願佢坦白同我講。

陳沛嘉：我想要嘅協議就係無論將來發生咩事，如果兩個人有咗小朋友就唔可以離婚，唔想啲小朋友喺破碎家庭長大。

每年一定要去一次唔同地方嘅旅行，而且仲要係去好遠嘅地方！最好就山旮旯啲，好似南非咁。同埋要每日同我講我愛你，因為好多嘢都要用言語嚟表達，溝通真係好重要。

每晚都一定要攬住我瞓，直到我瞓着為止！就算佢好想打機，都一定要攬到我瞓着咗先！最好就將我放喺第一位，咩都以我為先！

如果嗌交一定要氹番我，同埋要錫我屋企人，咁當然我都會錫佢屋企人啦！仲有佢要有心思，就算結咗婚好耐，都一定要慶祝我哋嘅紀念日。

無論發生任何事，我都一定要番我嘅仔女。錢反而冇所謂，畀晒佢都得。