陳蕊蕊靚衫收納法 循環再着
由「美味天使」轉型至歌手的陳蕊蕊，打扮已成工作一部分，加上她是天生購物狂，買來的便服、舞台服等着完一次便塞滿衣櫥，為了環保雖然曾經儲起送給回收衣物團體，但蕊蕊自己都想身體力行，做個環保天使，決定將靚衫循環再着。
蕊蕊先將一個房間改建為衣帽間，將衫、褲、鞋、襪分門別類，她笑說：「我以前唔識放衣物，將啲衫、鞋塞到皺晒又發霉，見到都唔開胃，所以就掉……後來覺得好嘥，所以要『的』起心肝學收納法，收放得妥當，定時steam吓啲衫，房內放抽濕機，啲衣物就好襟又keep得靚，咁咪有心情再着番，大收環保之效囉。」
