吳卓羲中招眼球險甩

吳卓羲（Ron）之前為新劇《ATF反恐》拍攝動作鏡頭時，傷及膝後的十字韌帶，更嚴重致韌帶撕裂，昨日於沙田為此劇拍外景時，坦言要定時做物理治療：「其實以前跳舞都已經整親過，依家韌帶撕裂，再危險啲真係會斷，膝頭哥嘅軟組織都受損，企耐啲都會痛，要就住道力。」

吳卓羲等人連日忙於趕拍新劇。	崔建邦在烈日下埋首工作，誓言要用時間證明一切。	放大圖片

定期覆診滴眼藥水

此外，日前Ron於野外訓練營拍攝此劇時再度受傷，他憶述當時情況謂：「我綁咗一條威吔爬上木樁拍一個危險動作，點知爬爬吓一轉身，個扶手直插中眼，當時以為眼球跌咗落嚟呀！之後即刻入咗法國醫院，醫生話眼球邊軟組織受損，依家望上望下都會痛，要滴眼藥水同覆診。」

屢次受傷的Ron笑言要拜神求平安，問他之後會否找替身代危險鏡頭，他堅持親身上陣，但武指知道他有事，都會盡量在動作及鏡頭上作遷就。說到藝人老時多數七勞八損，他笑謂：「係呀！我哋簽約時講明會有黑眼圈、眼袋同皮膚差o架！」

崔建邦投入做助導

此外，現時擔任助理編導的崔建邦都在現場工作，之前有報道指他會到Now擔任綜藝節目主持，他謂：「多謝大家關心，我會做好依家手上嘅工作，時間可證明一切。」

文：影視組