官恩娜拍拖歐遊有愛冇性
官恩娜（Ella）、薛凱琪及孫耀威昨日出席奧海城舉行的活動，剛與醫生男友歐遊返港的Ella自認是辛苦命，她說：「去咗一個好偏僻嘅地方，只得海灘，去到尾聲時好掛住工作，真係辛苦命，呢次旅行都幾悶冇乜嘢做。（造人？）冇做啲咁嘅嘢。」
Ella前男友吳卓羲早前被拍得帶內地「乳模」張馨予返家過夜，有備而戰的Ella多次以「唔好講呢啲嘢」作回應，曾被傳當年遭踢落車的Ella尷尬續說：「舊時啲嘢忘記佢啦，總之搵到鍾意嘅人就好好珍惜。」
薛凱琪與緋聞男友房祖名的銀幕情侶深入民心，她大方透露獲不少電影公司洽談兩人合作，她說：「可惜大家個期夾唔到。」而穿上背心的孫耀威多次露出胸毛，他尷尬說：「原本唔覺得有咩，見大家係咁笑搞到我勁拉高件衫。」