周麗淇恨嫁北上識男仔
周麗淇（Niki）昨日出席慈善活動，被問到有傳其名模家姐周汶錡快將和外籍男友結婚，她說：「未知，但都快，其實佢同嫁咗冇分別，因為佢同男友感情好穩定，佢開心就得。（可會當伴娘？）若家姐要求，都樂意做。」
再問Niki何時輪到她出嫁？她流露恨嫁的心說：「我都想，不過未有眉目喎，呢個時候都係將時間放喺事業上，或者我北上搵男朋友，依家我都唔抗拒同內地男仔拍拖，我家陣好open。」她又說如男友外形老土也不介意，因為她會「改造」對方，笑言：「外形啲嘢好死嘅啫。」雖然她年底會簽內地經理人公司，但不會放棄香港市場，還說很掛念香港傳媒，昨日能和香港記者見面感開心。
