爆栢芝情緒好差 吳耀漢撐鋒芝離婚
「鋒芝婚變」全城關注，雖然不少人都寄語二人三思，但近日與栢芝同拍電影的吳耀漢就唱反調，勸喻兩人分開為妙！
前晚吳耀漢和太太欣賞Kylie Minogue演唱會，他表示兩女兒為是次演唱會的搞手。他又謂剛於深圳完成電影《影子愛人》的戲份，記者問到同劇的栢芝情況？他即說：「佢情緒好差，冇乜笑容，心情好沉重。（有咩意見畀佢哋？）既然咁辛苦，不如放棄啦！（苦咗兩個仔？）too bad！其實佢哋一齊五年，中間發生過咁多波浪，雖然有時老人家思想守舊，但都要面對現實，死抓都冇用，佢哋仲後生，點拖到幾十年。」而《影》片監製關錦鵬現身台灣時被追問栢芝情況，他謂早前栢芝缺席記者會，隔天在片場即時向男主角權相佑道歉，而對方亦有安慰栢芝呢！
