霆鋒速遞離婚書上門

擾攘逾月的「鋒芝危情」已有定案，徹底心死的霆鋒決定應栢芝要求離婚，自日前他在北京發表「婚變宣言」後，即着手處理家事，吩咐律師草擬離婚協議書，跟栢芝一刀兩斷，並誓爭回兒子Lucas和Quintus的撫養權，讓稚子能在健康安穩環境下成長。

冇對頭人 諗計送信

由於鋒芝爆發婚變後一直冷戰，栢芝搬離舂坎角愛巢租住陽明山莊，兩夫婦其實早已分居，一直只靠雙方律師聯絡接觸。本報已率先披露決定離婚的霆鋒透過律師向栢芝律師發出離婚協議書，惟知情人士透露，栢芝的代表律師日前突然請辭，霆鋒一方未知栢芝找誰任代表律師接手處理，沒有對頭人下，霆鋒的代表律師惟有交律師樓職員做人肉速遞，昨天親自將離婚協議書放入栢芝所住陽明山莊的信箱，確保不會郵遞失誤，亦令栢芝不能拒收。

消息指出，因栢芝想法常變，令其代表律師深感無所適從，惟有向她請辭，其實栢芝自爆出婚變後表現反覆，一時向老公狂發短訊箍煲，轉頭卻發「我要離婚」短訊要脅復合；早前才公開鬧爆霆鋒「唔係好老公、好爸爸」，轉頭又向老公發「我好愛你，好想你」的短訊，其無定向諗法不但令霆鋒頭痕，其代表律師亦無奈請辭。

8日返港 誓奪兩子

反觀霆鋒立場十分堅定，據知，目前仍身在馬來西亞拍《逆戰》的他，日內將完成工作，下周五（8日）將火速返港見仔，據知，當時栢芝應已返大陸拍戲，逾月未見過一對寶貝仔的霆鋒，返港後誓要接回兩子親自照顧，不放心寶貝仔交由外人湊。

另外，昨日有雜誌指栢芝弟弟豪龍接受訪問狂插姐夫幾宗罪，霆鋒經理人霍汶希接受訪問說：「依家查證緊豪龍係咪真係接受訪問，因為牽涉誹謗，要求傳媒唔好轉載內容。」栢芝經理人Emily則指豪龍沒接受雜誌訪問，對於栢芝是否收到離婚協議書？她謂冇回應！另有雜誌指栢芝在溫哥華買豪宅搵學校，Emily同樣說唔回應。

文：音樂組