祖兒拒訂婚前協議：冇癮

容祖兒昨日出席太陽計劃，宣揚對特殊人士的關愛精神。近日鋒芝婚變轟動全城，不過祖兒未有聯絡好友謝霆鋒，提到二人婚變，她便指這是他們兩個人的事：「決定係點都會好，因為佢哋係經過深思熟慮，會支持。」

選擇相信愛情

問到祖兒身為藝人，將來結婚會否有簽署婚前協議，列明如離婚財產分配的需要？她直言：「咁會好冇癮！我覺得我嘅傳統、成長，對錢唔太強烈，同埋相信嗰個人同自己會盡力行到老！」

祖兒坦言於單親家庭長大對自己有影響，由於沒有一個學習對象，所以對愛沒有一個健全的概念，她說：「好多女仔細個就諗點去建立家庭，但我呢幾年先有概念，覺得自己適合遲婚，有咁遲得咁遲！」當問到對婚姻會否失去信心？她說：「有好有唔好，好在我性格樂觀，對好多嘢都唔會持否定態度，都OK，相信。」

讚癡心男勇敢

提到最近網上有一名癡心男透過片段向祖兒示愛，祖兒指片段已是多年前，自己一早看過：「其實由出道到依家定期都有啲呢類嘅癡心漢，令我信心大增，受欣賞都好開心，多謝支持！」

祖兒更讚對方可愛，好像卡通人物，猶如一隻很大的熊。問到祖兒會否期待真命天子向她示愛？她說：「咁樣好夠喇，好欣賞佢夠膽去表達，搵到人愛係好幸福。」但祖兒表示如真命天子向她表白不用如此高調，因為自己比較害羞，只要兩個人分享已經足夠。

文：音樂組