陳奕迅挺鋒平和非機蟲

謝霆鋒忍痛離婚,雖然飽受家庭破碎的打擊,但依然要打起精神為工作拚搏。據知,霆鋒的家人和好友都替他心痛兼叫屈,老友陳奕迅(Eason)昨日力撐霆鋒冇掛住打機,還勁讚他一直好心平氣和,似暗示栢芝之前數臭霆鋒過了火位。

早前栢芝接受訪問時數臭霆鋒輸民心,反而霆鋒無論發聲明和公開剖白都不說一句怨言。前日,霆鋒便飛返馬來西亞專心拍《逆戰》宣傳片,雖然尚餘約一星期即煞科,但這幾天都要拍重頭戲。據知,為婚變搞到心力交瘁的霆鋒,逼自己唔諗唔理,全副精神拚搏,寄情工作。

至於霆鋒的老友Eason昨日出席電影《功夫熊貓2》宣傳,一身街坊裝、人字拖的他笑說:「一陣要上機,去一個近排最好唔好去嘅地方。」原來Eason是去馬來西亞宣傳巡唱,問會否搵在當地拍戲的霆鋒?他說:「佢好耐冇聽電話,佢拍戲唔知阻唔阻住佢,佢唔係好講嘢。」

借老友鏡 反省自己

Eason又維護霆鋒封嘴拒談二人婚變,並推介大家睇《功》能令人心平氣和,並力撐霆鋒:「佢一直幾心平氣和。」問會否叫栢芝睇?Eason似暗示栢芝數霆鋒太過火,笑說:「睇完真係幾好,不過唔會送飛畀佢,首映個個追住佢,我咪好慘,我先係主角。」

問擔唔擔心霆鋒一對兒子?Eason鬼馬說:「擔心自己小朋友先,畀啲空間佢哋處理,我同霆鋒熟啲,一齊傾偈踎街賞月,佢係我其中一個最好朋友。」對於栢芝指控霆鋒掛住打機唔理仔,Eason為好友平反:「佢好多嗜好唔係淨係打機。(係咪好老公、好爸爸?)冇乜時間見佢一家人相處,反而諗自己係咪好爸爸。」

查小欣嘲 栢芝失策

此外,拉姑好友查小欣率先在節目踢爆鋒芝婚變,昨日她在博客又力撐謝霆鋒,取笑栢芝借好友鬧老公是幫倒忙,她說:「她不是指我炒作,變相承認我所講都是事實。」還撐霆鋒打機只是減壓,而不是拈花惹草,身為老婆卻不體諒他,又不澄清沒要過霆鋒一分一毫,反而機艙合照事件不顧丈夫尊嚴!

文:音樂組