陳庭欣翟威廉返私竇斷正

香港小姐陳庭欣之前被拍到與無綫藝員黎諾懿到赤柱撐枱腳，不過Toby坦言有男朋友於上海，否認撻着，但前日本報記者發現她與港男翟威廉於鑽石山拍拖行街，女方更不時翹實男方的手，態度親密，儼如熱戀中男女。

甜望男方

前日大約兩點，記者發現二人於鑽石山荷里活廣場閒逛，穿着背心的翟威廉露出麒麟臂，而Toby則小鳥依人在旁貼實而行，更不時甜望男方，雖然商場人流甚多，但Toby毫不避嫌又拖又翹翟威廉的手，最後更一同向男方寓所進發。

事後記者致電給翟威廉，他承認二人的確一起行街，更沒否認Toby上他家，他謂：「佢嗰日打完golf順路搵我食飯啫！咁啱畀你哋影到，但我哋唔係拍拖，（又拖又翹喎？）我之前隻腳整傷韌帶，佢好心扶我啫！我哋係好好嘅朋友，好到外界都以為我哋有啲曖昧，但真係冇嘢！總之唔好亂寫，唔想影響到人哋。」

陳庭欣雖自認有男友在上海，但仍不避嫌與男藝員單獨約會。

陳庭欣跟住翟威廉返屋企斷正，但庭欣仍死口唔認。

唔夾口供

Toby接受電話訪問時相當避忌，口供明顯與翟威廉有出入，她指當日只是上停車場，沒有上對方家，不過她不諱言二人很好朋友，由選美時至今都是，提到她翹實翟威廉，她謂：「佢冇帶拐杖我扶佢啫！大家唔好諗多咗，（怕唔怕人哋話好濫？）哎！原來呢行唔可以有朋友嘅！（同佢有冇發展機會？）冇諗呢啲，暫時大家都好專注事業。」

文：影視組