GiGi出嫁戴后冠做公主

梁詠琪(GiGi)前日以一身高貴公主look出席寧波CHAUMET珠寶店開幕及剪綵儀式,雖然當地氣溫高達38度,但仍無阻fans對GiGi的熱情。

GiGi戴上一套過百萬元的后冠及鑽石頸鏈,問她將來出嫁可會戴后冠?GiGi稱戴上后冠有萬千寵愛感覺,相信每個女仔都想婚禮當日成為公主。而GiGi稱喜歡買珠寶當藝術品收藏,將來留給子女做傳家之寶。提到好友莫文蔚宣布婚訊,何時到她?GiGi表示:「自己唔心急,順其自然啦,今年要拍三部電影同埋錄新碟,都冇時間啦!」