代親友買開學用品 Ana R.變保母
名模Ana R.前晚以tube dress性感出席Papercuts產品發布酒會，自言每半年會返美國探親的她，因撞正美國國慶故買不到機票，故打算延至八月才起行，並準備了厚禮予母親及弟弟：「我真係好掛住媽咪同細佬，因為成年冇見過，我打算送手提電腦畀細佬，送部最容易操作嘅手提電話畀媽咪。（媽咪想你帶男友返去？）哈哈！係呀，佢一直都有問，但係我都要搵到先得。依家都有dating，但我未認真去搵，因為工作好忙。」Ana自言是保母，要替弟弟子女買開學用品，因美國物價比香港貴兩成。
另外，Ana計劃在暑假到馬來西亞考潛水牌，更言四日就可考到牌。「但我好驚遇到鯊魚，之前喺波多黎各浮潛時，曾經見到條鯊魚，有成兩米咁長！」
