霆鋒獲兩舊愛力撐
霆鋒發聲明表示要保護家人後，即獲不少圈中人支持，連舊愛趙學而和盧巧音都出言力撐。
舊愛趙學而在微博說：「人家的家事當然不懂！但我認識的他是一個很保護家人的人！這點，我挺！童鞋們別激動，我只說了我所認識的，況且我不認識謝太太。」
盧巧音：「聽到呢個消息好愕然，總之無論霆鋒做乜決定都支持佢，希望佢開心！我唔係好清楚佢屋企嘅嘢，不過大部分男人都鍾意打機架啦！（霆鋒唔鍾意小朋友？）以前細個就唔知，但相信唔會冇父母唔鍾意自己仔女！」
黃佩霞在微博說：「霆鋒是一個很聰明、勤力又有天分的藝人，我們認識於早期的英皇，看見他的成就我很安慰，現在只盼他快樂。」
Twins：「霆鋒有咩決定都會支持，最緊要佢開心，相信佢識得去處理。」
薛家燕：「一個完整嘅家對於小朋友係好緊要，愛可以包容所有嘢。如果佢哋唔係名人，段婚姻就唔會咁矚目，仲可能有彎轉。」
梁漢文：「我識嘅霆鋒係鍾意打機，但都唔會疏忽小朋友，佢有時帶囝囝出嚟聚會，可能會好Cool咁坐喺一邊，但佢眼神一直都關注住小朋友！」
