名模熊黛林（Lynn）日前出席活動接受ontv訪問時，表示剛由台灣回港，坦言也聽聞黃宗澤被偷拍一事︰「我知，好大件事，聽到有少少驚，我已經幾年無開過屋企嘅窗簾，最多係開一條罅，初時嚟香港淨係開抽氣扇。喺屋企無理由着晚裝，着家居服就一定唔靚，着得唔靚又會畀人講。」期間，Lynn的鎖骨位置被發現有疑似咖喱雞，她澄清只是撞到，問到是否被嘴唇撞親？她開玩笑說：「咁個嘴唇會流晒血喎！我好小心，唔係細路仔。（咖喱雞？）唔係浪漫，只會阻住做嘢，同會畀人笑！」
