Alice B.小休3日泰國叉電

「第四代Canon甜心」Alice B.於香港的工作不斷，忙得連假都無得放，早前她終於成功向公司取得三天假期，回家鄉泰國陪哥哥慶祝生日兼小休，趁機叉足電，回港再搏殺！此行她還到處Shopping和食盡當地美食，當然不會錯過在燦爛的陽光下享受日光浴。曬黑了不少的她笑言：「我同哥哥感情好好，今次返去係專誠同佢慶祝生日！而且我都好耐冇見屋企人，真係好掛住佢哋！（有冇做咗咩特別事？）都係同屋企人見面，同埋不斷咁食嘢，我真係好掛住泰國嘅食物！難得有幾日假期，我淨係想好好咁休息一吓，所以喺得閒嗰陣就去曬吓太陽、行吓街，不過淨係得三日真係好唔夠喉，可以嘅話真係好想留多幾日！」