馮德倫拒再祝賀莫文蔚
莫文蔚近日突然宣布婚訊，身為舊愛的馮德倫於「婚訊」後首度現身，但全程態度顯得不耐煩，未知是否因「新郎不是我」而感到不是味兒。另外，李璨琛宣布和拍拖多年的圈外女友於明年共諧連理。
昨日馮德倫偕同李璨琛、卓韻芝及曾國祥出席品牌Converse經典系列Jack Purcell發布及慶祝酒會。由於莫文蔚近日突然自爆將和初戀男友結婚，身為舊愛的馮德倫雖然已在微博上恭喜對方，但昨日他現身亦成全場焦點，不過當被追問到舊愛喜訊時，態度即顯得不耐煩。
冇時間識女友
馮德倫被問到有否恭喜舊愛？他淡然說：「喺微博寫咗啦。（依家現場恭喜佢？）得o架嘞！微博寫咗啦！（打電話畀佢？）有。」不過，當問到莫文蔚有否邀請他出席婚禮，以及有否見過其未婚夫？馮德倫即表現不耐煩說：「呢啲唔講嘞！（送咩禮物？預備咗未？）都係尊重今日個活動啦！」
當記者提到舊愛在感情路上已修成正果，問馮德倫感情狀況如何時，他誤以為是繼續問及舊愛，態度即時「起弶」說：「我頭先已經講咗啦！我要講都喺微博講晒啦！（係問你感情狀況？）冇，冇女朋友。（冇時間？）係！」他續說稍後會到北京為新片《太極》執導。
李璨琛爆婚訊
另外，同場的李璨琛有份參演劇集《怒火街頭》，表示如開拍續集定會支持，對於有份參演的陳敏之十分注目，他笑說：「係！佢裸跑成功，雖然係用替身，但喺熒幕上係第一次，佢角色好有骨氣好討好。不過如果開續集，唔知點算，唔知佢係咪重生。」他續說未有聽過陳敏之結婚的傳聞，但就大方透露跟拍了七、八年拖的圈外女友於明年年尾結婚。
文：名人組