唐嘉麟唔衰得陰差陽錯入樂壇
現年廿六歲的新進饒舌歌手KT（唐嘉麟），去年初正式加盟MC Jin旗下CATCH殺入樂壇。KT近日忙於宣傳首支派台歌《Who is KT》。KT自爆三年前在維園打籃球時，主動走近MC Jin面前打招呼，並膽粗粗問對方拿聯絡電話，從此便結下不解緣。
玩Rap只有年多時間的KT，坦言因「唔衰得」性格而陰差陽錯入行：「有次我揸車載MC Jin，一路聽淨音樂一邊Rap，佢好不屑咁望住我，搞到我條氣好唔順，趁佢返咗美國就寫咗首《OK KT》，佢聽完之後直情對我另眼相看，仲叫我入錄音室錄音，就係咁叉咗隻腳入樂壇。」