中巴爆舊愛氹睇鬼片抱抱
崔建邦舊愛鄺敏慧（中巴）、o靚模胡心諾（Rainbow）、梁雅淳（Bambi）及蔡瑩瑩（Ivy）等，昨日在尖沙咀出席有線全新電影頻道發布會。席間中巴被要求抽內藏白鱔的「恐怖箱」，而Ivy與Bambi則「手索」田雞嚇得她們o依嘩鬼叫！
中巴踢爆前男友們經常氹她看鬼片：「可能佢哋以為我驚嗰陣會攬住佢哋，但我都唔驚嘅！（有冇睇情慾片？）我鍾意睇笑片多啲。（睇情慾片都開心喎！）睇吓同邊個睇！」目前仍是單身的她又直言，若拍拖定必帶男友「見街坊」。
Rainbow透露現已完成商科課程，考慮再報讀韓文課程，但謝絕溝韓國型男「加促」進度。