陳靜接變態電話敢露不敢言
「百果園咪神」陳靜（DaDa）近日不停為即將推出的寫真宣傳。貴為「宅男女神」的她經常低胸出席活動，性感形象已深入民心。
呼吸聲似呻吟
不知是否人氣太高，DaDa透露近日被人騷擾，早前就連續收到多個未有來電顯示的變態電話，DaDa說：「係四、五日前開始，喺個電話入面可以好清楚咁聽到個男人嘅呼吸聲，仲要愈嚟愈大聲，好似呻吟咁！我覺得好恐怖、好惡心，唔敢出聲，即刻收佢線！每日都收到四、五次呢啲電話。」
問到對方可知道她的身份時，DaDa表示應該不知道，因為對方從未講出過她的名字，估計是亂打一通才會致電她家。為了安全起見，DaDa現時已轉了家中的電話號碼，讓自己和家人都可以安心，不再擔心被騷擾。她坦言暫時不會報警，若將來再被騷擾才作打算。問到會否因此而收斂性感？她表示是工作需要，絕不會減少性感。
小學曾被非禮
DaDa又自爆小學五年級時曾在巴士上被人摸大髀非禮，幸好司機出手相助，不讓色狼落車，直接開車去差館。她謂：「嗰陣細個驚到唔識出聲，淨係識喊。依家大個咗，遇到色狼一定唔會放過佢。但玩電話呢家嘢真係冇佢符，唔知報警嘅話，會唔會話我浪費警力呢？」