余曉彤拒隆胸怕爆波
周秀娜師妹「濕身徐子琪」余曉彤今年單拖加入寫真戰，擁有32B上圍的她對自己的身材和樣貌充滿信心，更寸嘴指自己崇尚天然抗拒隆胸，怕「僭建」後潛水會被水壓壓爆波！
今年單拖出寫真的新八模成員「濕身徐子琪」余曉彤（Hidy）平時最愛親親大自然，愛行山又愛玩水上活動，早前到馬來西亞打碟的她被公司其他o靚模取笑是「野生動物系DJ」，她說︰「之前去影寫真都係沙灘同樹林，真係好正，嗰陣仲唔着鞋四圍走，好似女版『泰山』，腳板底都損晒。」
自問唔算醜
最近經常傳出女星整容，Hidy自言崇尚天然，揚言不喜歡後天加工，她寸嘴說︰「我唔鍾意學人咁動刀動槍，如果要為個樣而開刀我唔會囉！要開刀等生仔先啦！自問自己個樣唔係最靚，但都唔算醜啦，整嚟做乜？」擁有32B上圍的Hidy更表示抗拒隆胸，認為身材已足夠與其他「胸模」對撼，她說︰「我滿意自己身材，而且我鍾意去潛水，一陣落到水底有水壓，如果爆波就唔好啦！」
Hidy今年更推出最貴寫真集，她表示對銷量充滿信心，與其他「胸模」硬撼都未驚過，她說︰「自己好有信心，冇話事前做咩準備工夫，心情好放鬆，賣得平唔等於多人會買囉！」
男友陪試衫
此外，Hidy最近獲邀做國際潛水小姐大賽代言人，將往馬國小島馬寶島四日拍宣傳片，期間她要在沙灘及水底拍攝，體力需求甚大，但Hidy自信可應付自如。日前她到潛水用品舖試潛水衣及道具，獲潛水總會副主席歐焯申不時畀意見，其大隻潛水教練男友Willian亦專誠撐場，Hidy表示很榮幸可做跟潛水有關的工作，可謂寓工作於娛樂。
余曉彤（Hidy）
年齡︰23歲
三圍︰32B、24、35
身高︰170cm
出道經過︰畢業後經朋友介紹展開兼職模特兒生涯，去年簽約周秀娜模特兒公司，與其他模特兒組成新八模推出首本寫真集，今年則單拖推出寫真。
文：專案組、影視組
攝︰沈健程、劉智源