JC做打女辛苦嗌值得
周秀娜、傅穎、Jessica C（JC）在電影《熱浪球愛戰》中常有打沙灘排球場面，JC與其他女演員在開戲前作了為期三個月的排球集訓：「讀書時我都有玩排球，今次跟專業教練學習手勢同點擋波，但我唔小心跳起扭傷咗腳跟，當時好擔心影響model工作，好彩依家已經康復。」
除了打沙灘排球，JC還化身打女拍多場打拳戲，最厲害一次打拳排練，打足十四小時！為免再次受傷，她跟足導師指示做足安全措施，JC亦很享受訓練過程：「同一班女仔玩真係好開心，大家一齊受傷、又大笑、又尖叫，為咗部戲辛苦都值得。」
