Carol咪咪縮水冇得E

擁有E Cup逼爆上圍的「浸大E神」楊梓瑤(Carol)早前因患皮膚病被迫停工個多月,Carol除失去接job機會,連上圍也縮水,不過她認為縮胸是好事,聲言不怕與其他o靚模「胸」戰時被揮低!

「浸大E神」楊梓瑤去年憑34E驕人上圍成功彈出,今年轉型闖影壇連拍四部戲搵銀,不過她因工作壓力,早前患上皮膚病「玫瑰糠疹」而被迫停工一個多月,致心情極度低落,她說︰「初時以為自己出水痘,於是去睇皮膚科醫生,但冇好轉令心情好down,再去睇第二個醫生先知發生咩事。」Carol表示當時胃口大減,只以麵包及粥水醫肚,令E級上圍縮水,她說︰「上圍係細咗,不過冇去度過細咗幾多,嗰時好多嘢都唔食得,又冇乜胃口,只係個身好痕。」

毋須換Bra

雖然上圍比之前縮水,但Carol自言較喜歡現時的身材︰「上圍縮咗水反而係好事,我鍾意依家個身材多啲,縮咗冇乜大不了,以前逼爆身材好難買衫,依家可以着多啲唔同類型嘅衫,好似以前唔敢着嘅衫咁。」問她有否乘機掃大批內衣褲?她說︰「咁又冇喎,上圍大咗先要換Bra,細咗我覺得冇必要,又唔係唔啱戴。」

Carol表示現積極增肥,但並非為了令上圍回復從前的逼爆感,只因覺得自己太瘦。此外,對於會否擔心上圍跌Watt不夠其他「胸」模撼,Carol坦言未驚過︰「今年都唔出寫真,就算拍戲都唔一定要騷胸啦,對自己身材好有信心。」

採訪︰專案組

攝影︰沈健程

場地︰KYOTO JOE