胡杏兒出「線」搶峰頭

在英皇電影《建黨偉業》中飾演周潤發七姨太的胡杏兒,昨晚罕有以低胸裙亮相慈善首映禮,大晒三吋「事業線」,搶盡「峰」頭,杏兒甫到場即閃光燈閃個不停,傳媒更「嘩嘩聲」讚美,令她尷尬不已。杏兒說為了尊重場合才稍作性感:「平時除咗台慶同頒獎禮都冇咩機會着。(想「露」兩手?)唔介意,最緊要靚!」

被問到出門前有否「落樓」給男友黃宗澤過目?杏兒「滴晒汗」解釋因時間緊迫未能成事:「現場咁多『大人物』,唔敢遲到呀。(性感使唔使男友過目?)唔使!」

杏兒在片中僅得一秒鏡頭,她自爆曾追問劇組有否刪剪其「短片」:「好彩仲有。(咁咪勁過湯唯?)唔好咁講,可以喺大製作度做『茄哩啡』已經好好。」

想跟阿叻一同切磋賽馬心得,立即登記參加「靈活至叻爭霸戰」啦!