衞詩願作反面教材自嘲衰樣
衞詩（Jill）昨日到電台與聽眾分享由外國歌手Jason Upton所唱的福音歌《Fly》，她說：「首歌係佢一個人喺禱告室唱，點知錄完出嚟聽到背後有天使和唱，係神迹，我都聽到毛管戙，好感動。」
此外，早前Jill接受雜誌訪問，否認毒案後當時的老闆黎明置她不顧：「我冇講過唔理我，當時大家都唔知下一步應該點，明白公司上下都唔開心，所以都冇追求工作。（黎明致電關心？）冇，但唔代表唔關心，佢都care我。」至於出事後被安排於酒店外供記者拍照，Jill坦言當時不願意：「當時好攰，又畀人見到自己咁嘅面色，對於我嚟講係好黑暗嘅時間，自己睇番都估唔到咁衰樣，係毒品令我咁，畀大家作反面教材。」