Alina爆咪迎戰凸襲成功

昨日o靚模組合Donut的成員Ice、Vilian、Elke及Alina聯同另一組合Fantasy的Tina、Comi及Cammi出席麗星郵輪「雙魚星號—情迷夏日海」宣傳，大玩遊戲及行Catwalk，其中以泳衣Top上陣的Alina最搶鏡，大騷big爆豐滿上圍，而Fantasy則靠性感舞姿作抗衡，又擘髀又互摸，動作挑逗。

拒穿泳衣娛酒客

Alina揚言身材好是其優點之一，故不介意以泳裝或內衣示人，其泳衣Top大有逼爆效果，但她否認故意穿細一號的尺碼突圍：「我唔係特登，件泳衣係贊助商揀，呢件已經係最合身一件，其他仲細。（贊助商唔知你尺碼？）知道，但因為係新款，所以唔齊碼。」她自稱已做足安全措施，故不擔心走光。而稍後她們將到郵輪的酒吧表演，基於安全問題，Vilian坦言屆時不會穿泳衣：「如果着泳衣表演就會有少少擔心，因為怕有人飲醉酒。」

７個少女各有各美態，難怪要同場大鬥法。

Tina（左）玩遊戲時樂極忘形。

Vilian被誘上床

另外，提到仙杜拉姨甥區宇平涉非禮o靚模，Vilian自爆曾被一導演暗示要以性關係換取角色：「我自己接受唔到咁做，佢同我講時都有對我摸手摸腳，因為喺公眾場所，所以佢無進一步行動。（點解當時唔報警？）因為自己都驚，覺得尷尬，當時我得17歲。以前內斂，唔敢出聲。我依家會報警。（個導演大家識唔識？）講出嚟會識。我入行後無再見到佢，但不時都聽到佢嘅消息。」

三女跳挑逗勁舞

至於Fantasy三女的舞姿挑逗誘人，她們稱首次表演跳舞，舞蹈由Tina花了三星期構思，由於時間倉促，她們只有一日時間作排練。同場的香港先生白健恩大讚三女舞技：「我覺得佢哋跳得好好，好性感，如果有機會都想同佢哋一齊跳！」

文：名人組