被《FACE》指易服癖 李泳漢發律師信追究

無綫藝人李泳漢亦慘遭《FACE》偷拍，更指他有易服癖。報道出街後，泳漢母親施明甚激動，血壓狂標至接近二百。李泳漢昨日攜同拍拖個多月的女友Yo Yo接受本報訪問謂：「我好嬲，唔係侵犯私隱，係完全唔真實，我可以好大聲咁講我冇易服癖，嗰件衫係外國款嘅睡衣；裏面所有新聞包括追王喜、迷戀阿嬌、禿髮都係冇事實根據。」泳漢又指曾因同性戀報道遭歧視：「試過一入男廁，所有人都同步離開，好傷。」泳漢又指昨日已發律師信，強烈要求該雜誌刊登道歉聲明，他續說：「我亦唔准佢哋再開topic講我，同埋要剷除網上嘅相關報道。如果佢哋七日內冇回覆，我同律師會進一步行動。」