羽翹露兩手重拾畫筆
歌手羽翹（Ava）今年會力戰o靚模寫真，出美容書殺出條血路，原來除了熱衷化妝美容外，Ava畫畫亦有一手，日前就露兩手展示其精湛畫功，來年大可向散文繪本之路進發！
化妝化到出神入化的羽翹（Ava），去年已推出化妝書教一眾姊妹扮靚秘技，今年再接再厲出美容書，可見其扮靚心得已引來一班固定捧場客，日前她出席「Music Rocks the Valley」活動展露其精細畫功，俯身畫畫時更不慎露出事業線，絕不比時下o靚模遜色，原來她細細個就開始學畫畫，她說：「我學到大概18歲左右，學咗十幾年，我覺得畫動物最難，特別係畫馬，因為馬嘅神髓好難捕捉！」
與名師合繪作品
Ava今次會跟香港著名字體設計藝術家Reni Wong合繪一幅畫作，Reni亦曾與台灣天王周杰倫合作，他們會花約3、4小時完成今次作品，Ava說：「其實Reni會起稿，我就可能好似小學生咁填色，不過上色都有一定學問！」
重拾畫筆令她有意嘗試出繪本散文集：「畫畫同寫嘢一向都係我興趣，希望有一日可以出到自己嘅書！」她又直言畫畫靚亦有另一個好處，就是當她想不到送甚麼生日禮物給朋友時，就可以將自己的作品送給別人。
文：專案組
場地：香港賽馬會