陳嘉桓杜宇航誓打出彩虹
今集ontv的《娛樂on Show》請來陳嘉桓與杜宇航做嘉賓，兩位打得之人與主持人周吉佩詳談入「打圈」經過，陳嘉桓更表示會以楊紫瓊為目標，打出國際！
ontv《娛樂on Show》為觀眾炮製精彩深入的藝人專訪，娛樂性十足，絕不能錯過！今集請來憑拍武打戲出身的陳嘉桓（Rose）及師兄杜宇航，與主持人周吉佩分享武打趣事。三人先以玩電子模擬拳賽熱身，Rose與杜宇航有紮實功夫，高下立見，周吉佩當然甘願抱頭認輸，場面搞笑！
靠師兄幫忙壓腿
杜宇航表示五、六歲時已愛上睇動作電影，因而對功夫產生興趣：「最初學拉筋踢腿，長拳係最基本嘅武術，詠春係八年前先學嘅。（一個打十個？）電影上可以，不過試過一拳打傷人。」Rose則學了詠春三年多，笑言以前自己少做運動，初學時要靠師兄幫忙壓腿：「十四歲嗰年暑假認識冼國林師傅，佢問我有冇興趣拍戲，叫我試下學功夫先。」她表示視楊紫瓊為目標，希望有朝一日衝出亞洲讓國際認識：「諗住呢幾年喺亞洲，畀講廣東話同普通話嘅人認識先，一步一步嚟。」
杜宇航早前憑兩部電影提名金像獎最佳新演員獎項，雖然敗給陳奐仁，但他沒有感到失落：「冇所謂，以前比賽成日要比較，冠軍得一個，得失問題每年都要比，今次唔得咪下次囉！」想知道Rose跟師兄最新動向，快收睇《娛樂on Show》啦！
文：專案組