王敏德反對囝囝入娛圈
王敏德前晚單拖出席微笑行動中國基金呈獻《婚前借愛》慈善籌款首映禮，他表示太太馬詩慧因要在家陪囝囝溫書，故未有一起現身，他笑言︰「太多中文，我唔識，如果考英文就我出動！（成績點？）OK，中上啦！」其後更大讚囝囝有才華，但坦言反對囝囝入娛樂圈發展，他說︰「搞生意或做醫生都好，我唔想佢入娛樂圈，機師都OK。（驚入娛樂圈學壞？）唔係驚呢樣。（唔夠靚仔？）佢已經好靚仔，又識唱歌、跳舞，只係我驚佢拍戲辛苦。」
王敏德坦言囝囝表演欲強，而大女正於時裝學校讀書，他更謂想送二女去美國高爾夫球學院讀書，想栽培她做專業高爾夫球員。