周秀娜唔夠性感知衰彈開
新一代性感女神周秀娜樣靚身材正，自然多人爭住結識，昨日她出席活動時就表示自己向來識男仔都不會主動出擊，男友也不會因不信任她而送貞操帶予她。另外以吊帶短裙上陣的她風頭不及一位以比堅尼top上陣的參賽者，她笑稱自己要即時彈開。
周秀娜（Chrissie）昨日為「小敗犬‧大作戰」活動化身性感教官，教授參賽者來個敗犬大變身以及結識男仔。穿上吊帶短裙的Chrissie大騷修長美腿，不過論性感程度遠不及一位以比堅尼top上陣的參賽者，當Chrissie看見對方亦扮作自愧不如，笑稱要即時彈開。
拒主動識男仔
問到Chrissie如何結識男仔？她說：「其實我一向唔係主動嘅人，喺識男仔方面一向唔會主動，係對方做主動，所以無話點樣追男仔。（係咪好多男仔追你？）回想番讀書嗰時，有人傳紙仔畀我。（啲人點追你？）咪就係傳紙仔囉，但我以前讀女校嘅。（男女通殺？）總之就通常係人哋做主動啦。（你男友會唔會信唔過你，送條貞操帶畀你？）咁又未去到咁唔信任嘅程度，你哋咁講，我諗住送個金剛箍畀佢。（仲有咩渠道可以識你？）好似上吓微博同上網。（有無人問價？）咁又無呀。（你要幾多錢先肯？）無價，我係無價寶嚟。」
文：名人組