劉美君昨日為全新Hi-Fi發燒碟《Love addict》舉行發布會，由於新專輯比原定早一天面世，很多訂了唱片的朋友早一日攞碟，他們ＳＭＳ給劉美君指她「早產」，她說：「仲猛讚我個『仔』個樣幾好！我覺得自己隻碟好聽過阿Lam（林子祥）嗰隻。」
劉美君解釋兩張唱片做碟的團隊是同一班人：「佢哋因為有晒經驗，所以着數咗我。（怕唔怕阿Lam會嬲？）唔會，講笑啫，阿Lam冇咁小器。（送碟畀佢？）會，佢隻碟都好聽！」
