楊汀叮懸紅$2000搵手機
楊汀叮前晚出席活動時透露近日遺失了手提電話，幸好電話內沒有不見得人的親密照，而朋友的名字都以暱稱取代，故不怕洩露他們的電話號碼。她希望拾獲的人能好心歸還，並願以二千元薄酬答謝對方。
熊黛林與Angelababy師妹楊汀叮前晚打扮靚靚出席「3 GALAXY Night」派對，穿上Tube dress的汀叮輕露事業線，性感誘人。而同場的葛民輝Icon girl許穎亦以胸口開窿裝上陣，大騷身材。身形嬌小的汀叮雖然已穿上四吋高踭鞋，但當她與同門師姊戴小奕及張舒雅合照時，仍是矮了一大截，就算趷高腳踭仍無補於事，事後她笑言：「我打漏咗個電話畀小奕叫佢着平底鞋。（唔夠高所以低胸搶鏡？）唔係刻意，我鍾意窩釘同埋我想型型哋先着呢條裙。」
朋友名用暱稱
汀叮又透露上周不小心遺失了手提電話，她說：「希望拾到我個電話嘅人可以畀番我，有薄酬。（薄酬幾多錢先？）我願意出二千蚊。（電話入面有無咩秘密？）無，得同朋友嘅合照，無性感相，亦都無親密相。（怕唔怕洩漏啲朋友嘅電話號碼？）唔驚，我有晒代號同暱稱嘅。」
李嘉慧忙湊女
另外，已很少公開露面的李嘉慧就表示目前忙於湊女，至於可會追個仔，她說：「遲啲先，可能過多一、兩年先。（有無生仔秘笈？）順其自然。老公係獨仔，但老爺奶奶都無畀壓力我哋。」而同場的羅霖就大爆大仔與細仔都已有女朋友，但就不是親密，冇拖手及冇kiss，又謂囝囝甚麼都會與她說。
文：名人組